សេចក្តីប្រកាសព័ត៌មាន៖ ផលប៉ះពាល់លើប្រជាពលរដ្ឋ និងតំបន់ស៊ីវិល ពីអំពើឈ្លានពានរបស់ភាគីថៃ លើដែនអធិបតេយ្យកម្ពុជា គិតពីម៉ោង៦ល្ងាច ថ្ងៃទី១១ ខែធ្នូ រហូតដល់ម៉ោង៧ព្រឹក ថ្ងៃទី១២ ខែធ្នូ ឆ្នាំ២០២៥
នៅថ្ងៃទី១២ ខែធ្នូ ឆ្នាំ២០២៥ ក្រសួងមហាផ្ទៃ បានរាយការណ៍អំពីផលប៉ះពាល់ធ្ងន់ធ្ងរនៃការឈ្លានពានយោធារបស់ថៃមកលើកម្ពុជា គិតពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០២៥។ ផលប៉ះពាល់សរុបគិតចាប់ពីថ្ងៃទី៧ ខែធ្នូ គឺមានជនស៊ីវិលស្លាប់ ១១នាក់ និងរបួស ៧៦នាក់។ ចំនួនជនភៀសសឹកដែលស្នាក់នៅតាមមណ្ឌលសុវត្ថិភាពបានកើនឡើងដល់ជាង ២៧៤.៤០៣នាក់។ ការវាយប្រហារដែលបានកើនឡើង រួមទាំងការទម្លាក់គ្រាប់ពីយន្តហោះ F-16 សំដៅលើតំបន់ស៊ីវិលរហូតដល់ចម្ងាយ ៩០គីឡូម៉ែត្រក្នុងទឹកដីកម្ពុជា បានបំផ្លាញផ្ទះសម្បែង ប្រាសាទបុរាណ និងបង្ខំឱ្យ សាលារៀនចំនួន ៩០៩កន្លែងបិទទ្វារ។ ក្រសួងមហាផ្ទៃបានទទូចឱ្យអង្គការសហប្រជាជាតិ និងសហគមន៍អន្តរជាតិថ្កោលទោសឧក្រិដ្ឋកម្មដ៏យង់ឃ្នងរបស់ថៃ និងទាមទារឱ្យបញ្ឈប់អរិភាពជាបន្ទាន់។
ក្រសួងមហាផ្ទៃ
